امید بہار

ملک دشمن پاک فوج

2009-05-01T18:15:00.003Z

ملک دشمن پاک فوج ایک دفعہ پھر اپنے ملک کے تخت پر قبضہ کرنے کی منصوبہ بندی کر رہی ہے۔

حماس کی فتح؟؟

2009-01-19T10:48:00.000Z

یہ حماس کو کس فتح پر مبارک بادیں دی جا رہی ہیں؟ کوئی ہمیں بھی اس فتح کی تفاصیل سے آگاہ کرے۔

شہباز شریف صاحب نے ماضی سے کوئی سبق نہیں سیکھا

2009-01-18T13:39:00.003Z

گوجرانوالہ میں زیرحراست ملزم ننھو گورایا ساتھیوں سمیت فرارکی کوشش کے دو ران مبینہ پولیس مقابلے میں مارا گیا

گجرانوالہ . . . .. . . گجرانوالہ میں زیرحراست ملزم ننھو گورایا ساتھیوں سمیت فرارکی کوشش کے دو ران مبینہ پولیس مقابلے میں مارا گیا۔ملزم اوراس کے ساتھیوں کی لاشیں پولیس وین میں گھمائی جارہی ہیں ۔اس دوران شہریوں کی جانب سے پولیس پر پھول بھی نچھاور کئے گئے ۔پولیس کے مطابق ملزم ننھو گورایا کو تین روز قبل ملائیشیا کے ایک جزیرہ سے گرفتار کرکے پاکستان پہنچایاگیاتھا۔ جس کے بعد مقامی عدالت سے چھ روزہ جسمانی ریمانڈ حاصل کر کے ملزم کی تھانہ صدر گجرانوالہ میں تفتیش جاری تھی۔ہفتہ اور اتوارکی درمیانی شب جب ملزم کی نشاندہی پر پولیس مزید ساتھیوں کی گرفتاری کے لئے روانہ ہوئی تو تھانہ صدر کے علاقہ نوشہرہ سانسی میں ننھو گورایہ نے منظور اور طاہرسمیت فرار کی کوشش کی جس پرپولیس کی فائرنگ سے تینوں ملزمان مارے گئے۔پنجاب پولیس نے ملزم ننھو گرایا کے سر کی قیمت20 لاکھ روپے مقرر کر رکھی تھی۔ ڈی آئی جی گجرانوالہ ذوالفقار چیمہ نے جیونیوز کوبتایا کہ دوران تفتیش ملزم نے اعتراف کیا تھا کہ ایک سابق ایم پی اے اور چار ناظمین سمیت بیس افراد بھتہ وصولی میں اس کے ساتھ تھے، انہوں نے کہا کہ ملزم نے کچھ اہم شخصیات کی جانب سے پشت پناہی کا بھی اعتراف کیا تھا جن کے نام بہت جلد منظر عام پر لائے جائیں گے۔ہلاک ہونے والے ملزم ننھو گورایااور اس کے دو ساتھیوں کی لاشیں گجرانوالہ شہر میں پولیس وین میں گھمائی جارہی ہیں اور لاؤڈ اسپیکر کے زریعے ملزم کے مارے جانے کے اعلانات کئے گئے ۔ اس موقع پر شہریوں کی جانب سے پولیس پر پھول بھی نچھاور کئے گئے ۔

بشکریہ روزنامہ جنگ، 18 جنوری 2009

پاکستانیوں کے لئے پیغام نصیحت

2008-11-29T20:43:00.004Z

مشرف نے جس طرح چن چن کر بدنام ترین سیاست دانوں کو اپنے حلقۂ احباب میں شامل کیا، اعلی عدلیہ کے ایماندار ترین ججوں کو برطرف کیا، جس طرح پیپلز پارٹی کی حکومت نے چن کر بدنام ترین لوگوں کو اعلی عہدوں پر فائز کیا ہے، اور اب جس طرح یہ حکومت غیرآئینی چیف جسٹس ڈوگر کی مستقبل قریب میں ریٹائرمنٹ کے بعد ہر اس جج کو چیف جسٹس بننے سے روکنے کی کوشش کر رہی ہے جس نے مشرف کے غیر آئینی حکم کو ماننے سے انکار کیا تھا، ان سب باتوں سے پاکستانی فوج، مشرف، زرداری، نا اہل عدلیہ، نا اہل اور کرپٹ افسر شاہی اور کرپٹ سیاستدان، پاکستان کے عوام کو بار بار ایک ہی پیغام دے رہے ہیں کہ:

اس ملک میں ایماندار اور قابل لوگوں کے لئے ترقی کے تمام رستے ہر عہد حکومت میں ہمیشہ ہمیش کے لئے بند ہیں۔ پاکستان کو صرف گندے، نااہل، اور کرپشن میں لتھڑے ہوئے فوجیوں، سیاستدانوں، ججوں، افسروں اور صحافیوں کی ضرورت ہے۔

منتخب حکومت کے خلاف ایجنسیوں کے مذموم ہتھکنڈے

2008-10-22T07:25:00.004Z

پاکستان میں بجلی کی فراہمی کو بار بار معطل کر کے عوام کو جس طرح ایک منتخب حکومت کے خلاف مشتعل کیا جارہا ہے اس کی جتنی بھی مذمت کی جاۓ وہ کم ہے۔ دوسری طرف اس بات سے بھی انکار نہیں کیا جا سکتا کہ اس حکومت کو اسقدر جلدی اس ناکامی تک پہنچانے میں آصف زرداری کی آزاد عدلیہ کی مخالفت اور پے در پے وعدہ خلافیوں کا بہت عمل دخل ہے۔

پیپلز پارٹی کی حکومت ایجنسیوں (اور ہمارے خیال میں فوج بھی) کی آنکھوں میں بہت بری طرح سے کھٹک رہی ہے۔ ہر روز بلا ناغہ پورے ملک میں متعدد بجلی گھروں کو خراب کر کے عوام کو جس طرح سے جنونیت کی حد تک پہنچایا جا رہا ہے یہ سب کسی منصوبہ بندی کے بغیر ہونا بہت مشکل ہے۔

بدقسمتی سے جمہوری حکومت نے اول روز سے عوام دشمن پالیسیاں اختیار کی ہوئی ہیں اور وہ اپنے (نسبتا‏) اصول پسند دوستوں سے بھی محروم ہو چکی ہے۔ اس لئے اس مشکل گھڑی میں کوئی بھی اس کا ساتھ دینے کے لئے موجود نہیں ہے۔

ہم جو تاریک راہوں میں مارے گئے

2008-08-29T11:50:00.004Z

عمرانی قبیلے نے پسند کی شادی کی خواہش مند 5 خواتین کو زندہ دفن کر دیا۔ واقعے میں بلوچستان کابینہ کے رکن صادق علی عمرانی کا بھائی عبدالستار عمرانی بھی ملوث ہے۔

زندہ درگور ہونے والی پانچ خواتین میں سے تین لڑکیاں اپنی مرضی سےکورٹ میں جا کر شادی کرنا چاہتی تھیں۔ اس منصوبے کا پتہ چلنے پر قبیلے کے غیرت مند جوانوں نے ان خواتین کو بمعہ ان کی دو عدد مددگار عورتوں کے سبز نمبر پلیٹ والی سرکاری لینڈ کروزر میں ڈالا اور صحراء میں لے گئے۔ وہاں ان نہتی عورتوں پر تشدد کرنے کے بعد ان کو گولیاں ماریں۔ اور شدید زخمی حالت میں چیختی چلاتی بچیوں کو ایک گڑھے میں پھینک کر مٹی اور پتھروں سے زندہ دفن کر دیا۔ دو عورتوں کے احتجاج کرنے پر ان کو بھی زندہ دفن کر دیا۔

علاقہ میں قبائلی اثر و رسوخ کی وجہ سے دو چھوثی بچیوں کے نام بھی معلوم نہیں ہو سکے۔ ڈیڑھ مہینہ تک گزر جانے کے باوجود نہ تو سلطنت خداداد کی شہری ان پانچ مرنے والیوں کے قتل کا مفدمہ درج کیا جا سکا اور نہ ہی ڈوگر کی عدلیہ کے کانوں تک ان بچیوں کی آخری پکار پہنچی۔

کہاں ہو منو بھیل کی پکار سننے والے افتخار چوہدری؟ کب تک ہم جنرل مشرف کی بد اعمالیوں کی سزا بھگتتے رہیں گے؟

(تفاصیل)

اپنا دشمن پہچانیں - سیاستدان نہیں، کرپٹ پاکستانی فوج

2008-07-14T03:47:00.003Z

ہمیں پاکستانی عوام کی ذہنی سطح کے متعلق کبھی خوش فہمی نہیں رہی لیکن اب تو اردو بلاگرز بھی مایوس کن شعور کا ثبوت دے رہے ہیں۔

پاکستان کا مسئلہ اس کے سیاستدان نہیں بلکہ بے مہار اور کرپٹ فوج ہے۔ یہ فوج ہے جو ہر منتخب حکومت کو چلنے سے روکتی ہے۔ اور اس کیلئے ایسے مسائل پیدا کرتی ہے جو اس کے اپنے دور میں دور دور تک نظر نہیں آتے۔ فوج صرف پس پردہ چلی گئی ہے لیکن اس نے اقتدار عوام کو نہیں دیا۔ یہ آصف زرداری نہیں بلکہ جنرل اشفاق کیانی ہے جس نے میر شکیل الرحمن کو فون کیا کہ ڈاکٹر شاہد مسعود کو فوج پر بات کرنے سے روکا جائے۔ پاکستان کی کرپٹ اور اقتدار کی ہوس میں مبتلا فوج کی سیاست میں مسلسل مداخلت اور پیہم ریشہ دوانیوں نے آج اس ملک کو جہنم بنا دیا ہے۔ آج پاکستان کے تمام سابق کرپٹ جرنیل اعتراف کر چکے ہیں کہ انہوں نے ہمیشہ سیاستدانوں کو فوج کی مرضی کے مطابق چلانے میں اپنا گھناؤنا کردار ادا کیا ہے۔

فوج کی مداخلت اور سازشیں نہ ہو تو ہمیں یقین ہے کہ آصف زرداری جیسا ہسٹری شیٹر اورثابت شدہ مجرم بھی عوامی مینڈیٹ کے بل بوتے پر اس ملک کو چلا سکتا ہے۔ اور فوج کی مداخلت اور گندی سازشوں پر ذوالفقار علی بھٹو جیسا لیڈر بھی اس ملک کو نہیں چلا سکتا۔

اپنے دشمنوں کو پہچانئے۔ یہ فوج ہے جو ہمیشہ جاہل مولویوں کو استعمال کر کے اور اسلام کا نام استعمال کرکے منتخب حکومتوں کا تختہ پلٹتی ہے۔ جو دو تہائی اکثریت والے نوازشریف کو قلعوں کے عقوبت خانوں میں پھینکتی ہے۔

کبھی آپ نے غور کیا ہے کہ ہمارے ٹی وی ڈراموں میں معاشرے کے ہر طبقہ کو ذلیل اور بے عزت کیا جاتا ہے۔ پولیس کا تمسخر اڑایا جاتا ہے، ڈاکٹروں کو ڈاکو دکھایا جاتا ہے، سول بیورو کریسی پر تنقید کی جاتی ہے اور بے چارے سیاستدان تو ہمہ وقت ذلت کا نشانہ بنتے ہیں۔ لیکن فوج ایک مفدس گائے ہے۔ کسی ڈرامہ میں میں آپ نے پاکستان کے کرپٹ ترین ادارے یعنی پاکستانی فوج کی بد عنوانیوں پر کچھ نہیں دیکھا ہوگا۔ حالانکہ ڈاکٹر عائشہ صدیقہ کی کتاب کے مطابق پاکستانی فوج نہایت بری طرح سے کاروباری سکینڈلز میں لتھڑ چکی ہے۔ پاکستانی فوج کھاد کی ملیں لگا رہی ہے، بندرگاہوں میں کھربوں کی کمرشل سرمایہ کاری کر رہی ہے، ڈیفینس ہاؤسنگ سکیموں کے ذریعے عوام سے کھربوں روپے ہتھیا رہی ہے۔ اسے کے علاوہ منتخب حکومت کو اندھیرے میں رکھ کر دوسرے ملکوں پر چڑھ دوڑتی ہے۔ غریب مزارعین کے قتل عام میں ملوث ہے۔ یہ سورما مشرقی پاکستانی کی لاکھوں بہنوں کی عصمت دری کے، اقوام متحدہ کے مطابق ثابت شدہ مجرم ہیں۔ یہ اپنے پاکستان میں لاچار لڑکیوں کی عزت لوٹنے سے باز نہیں آتے (ڈاکٹر شازیہ خالد کیس)، یہ انٹرنیشنل سطح پر ایٹمی ہتھیاروں کی غیر قانونی نقل و حمل میں ملوث ہیں۔ یہ سپاہی کے نام پر غریب پاکستانیوں کو عیاش افسروں کے زر خرید غلام بنانے کے گھناؤنے کام میں ملوث ہے۔ ہر سال پاکستان کی کھربوں کی زمین پاکستانی فوج کے ریٹائر ہونے والے افسروں کو ریوڑیوں کی طرح بانٹ دی جاتی ہے۔ ہر سال یہ عفریت بجٹ میں سے عوام کی خون پسینے کی کمائی کے اربوں ڈالر اپنے ناجائز تسلط کے بل بوتے پر لوٹ لیتا ہے۔ وہ اربوں ڈالر جو عوام کی صحت اور تعلیم پر خرچ ہونا تھے۔ تمام ریٹائرڈ کرپٹ فوجی افسر ریٹائرمنٹ کے بعد دوبارہ اچھے عہدوں پر فائز ہیں اور عوام کا خون چوس رہے ہیں۔ اس کرپٹ فوج نے بدقسمت عوام کو یہ تربیت دی ہے کہ اصول وغیرہ کچھ نہیں ہوتے۔ جس کے پاس طاقت ہے حکم اسی کا چلے گا۔ اسی تربیت کا شاخسانہ آج پوری قوم بھگت رہی ہے۔ ان تمام جرائم کے باوجود ہر ڈرامہ میں، ہر کامیڈی پروگرام میں، ہر مذاکرے میں تذلیل صرف سیاستدان کی ہوتی ہے۔ اور کیوں نہ ہو؟ فوج کے اس ناجائز اقتدار کو خطرہ صرف سیاستدانوں سے ہے کیونکہ وہ عوام کی حکومت کی بات کرتے ہیں۔

فوج نے منتخب حکومت کو ایک مرتبہ پھر اندرون خانہ سازشوں سے مفلوج کر دیا ہے اور پاکستان کی بے وقوف عوام سیاستدانوں کو برا بھلا کہنا شروع ہو گئی ہے۔ دوسری طرف فوج نے وہ تمام رستے بند کر دئے ہیں جہاں سے اس کے گھناؤنے کردار پر تنقید کی جا سکتی تھی۔

پاکستانی فوج ویسے بھی اس گندے جوڑ توڑ میں بہت مہارت حاصل کر چکی ہے۔ وہ بیلوں والی کہانی کے مطابق پہلے آصف زرداری کو ذلیل کر کے ہماری نظروں سے گرائے گی اور اس کے بعد نواز شریف کا کوئی بندوبست کرے گی۔

جب تک پاکستانی فوج کے تمام بیمار ذہنوں کو سخت سزائیں دے کر ان کے دماغوں سے اقتدار کا خناس نہیں نکالا جاتا، اس وقت تک عوامی حکومت کے خواب شرمندہ تعبیر ہونے ناممکن نہیں تو دورازکار ضرور ہیں۔

"بلا مقابلہ منتخب" جمہوریت

2008-06-20T08:22:00.002Z

یہ ہے ہماری جمہوریت:

شہباز شریف بلا مقابلہ منتخب
حمزہ شہباز بلا مقابلہ منتخب
آصف زرداری کی ہمشیرہ فریال تالپور بلا مقابلہ منتخب
یوسف رضا گیلانی کے صاحبزادے عبدالقادر گیلانی بلا مقابلہ منتخب

عوام کی کیا مجال کہ ان وقت کے خداؤں کے مقابلے کا سوچ بھی سکے۔ یہ لوگ اتنی بے عزتی برداشت نہیں کر سکتے کہ یہ عوام کے کسی عام آدمی سے مقابلہ لڑ کر پارلیمنٹ پہنچے ہیں۔ ہماری نام نہاد جمہوریت میں دھونس، لالچ، اور دباؤ سے حاصل کی گئی بلامقابلہ کامیابی پر پارلیمنٹ میں فخر سے کہا جاتا ہے کہ کسی نے مجھ سے مقابلہ کرنے کی جرات ہی نہیں کی۔ سب ڈر کر دستبردار ہو گئے۔

معزول ججوں کی ابتر مالی صورتحال

2008-05-06T07:28:00.002Z

کیا اس بات کا فیصلہ ہونے تک حکومت معزول ججوں کو تنخواہیں نہیں مہیا کر سکتی؟ اس کیلئے تو دو تہائی اکثریت کی ضرورت نہیں اور اس بات سے تو شاید کسی سیاسی جماعت کو بھی اختلاف نہ ہو گا۔ اپنے مسائل حل کرتے ہوئے ہمیں کم از کم انسانیت کا دامن تو ہاتھ سے نہیں چھوڑنا چاہئیے۔

اعتزاز احسن کی بیٹی اور جنرل مشرف کی گفتگو

2008-02-20T23:20:00.006Z

ابھی ہم ٹیلیوژن پر اعتزاز احسن اور سہیل وڑا‏ئچ کی گفتگو دیکھ رہے تھے۔ دوران گفتگو پرویز مشرف کی اعتزاز احسن کی بیٹی ثمن سے ڈیووس، سوئٹزرلینڈ میں ملاقات بھی زیر بحث آئی۔ ہم یہاں اس گفتگو کو لکھنا چاہتے ہیں۔

جنرل مشرف صاحب ورلڈ اکنامک فورم کے سلسلے میں وہاں گئے ہوئے تھے۔ اعتزاز احسن صاحب کی بیٹی وہاں ملازمت کرتی ہیں۔ پرویز مشرف نے ان کی بیٹی کو ملاقات کا پیغام بھیجا۔ انکی بیٹی نے پاکستان اپنے والدین سے پوچھا کہ میں جاؤں یا نہیں۔ اعتزاز صاحب نے کہا کہ بیٹا آپ ضرور جائیں۔ اگرچہ ہم تو ان کو صدر نہیں مانتے لیکن باہر تو لوگ ان کو پاکستان کا صدر ہی سمجھتے ہیں۔ وہ آپ کے بزرگ ہیں۔ ان کی بیٹی نے پوچھا کہ ابو کیا میں ان سے آپ کی قید کے بارے میں بات کروں۔ اعتزاز احسن نے کہا کہ یہ بات ہر گز نہ کرنا۔ ان کی بیٹی نے پوچھا کہ پھر وہ مجھ سے کیا بات کریں گے؟ اعتزاز احسن نے کہا کہ وہ آپ کے بزرگ ہیں۔ پاکستانی ہیں۔ وہ خوش ہوں گے کہ آپ نے دیار غیر میں اتنا اچھا مقام حاصل کر کے پاکستان کا نام روشن کیا ہے۔ آپ سے شفقت کریں گے۔ آپ ضرور ملنے جائیں۔ اب وہ کہتے ہیں کہ میری بیٹی ملنے گئی تو جنرل مشرف نے چھوٹتے ہی پوچھا کہ
Will you start or should I start?

اعتزاز صاحب کی بیٹی پریشان ہو گئیں کہ انکل میں کیا شروع کروں گی۔ آپ ہمارے صدر ہیں۔ میں تو صرف آپ سے ملنے کیلئے آئی ہوں۔ آپ ہی فرمائیں۔ جنرل مشرف کہتے ہیں کہ تمھارا باپ چیف جسٹس افتخار چوہدری، نواز شریف اور خلیل رمدے سے مل کر میرے خلاف سازش کر رہا ہے۔ چیف جسٹس کرپٹ ہے۔ یہ میرے پاس بوگس رسیدیں ہیں 28 ہزار روپے کا پٹرول ڈلوانے کی۔ دکھاؤں تمہیں، دکھاؤں تمہیں؟

اعتزاز صاحب کی بیٹی بے چاری پریشان ہو گئیں اور جنرل مشرف کی ذہنی سطح کو جان کر انہیں سخت افسوس ہوا۔ مشرف کس قسم کا آدمی ہے جس کو اپنی بچیوں سے بات کرنے کا بھی سلیقہ نہیں ہے۔

اعتزاز صاحب نے سہیل وڑائچ کو کہا کہ آپ بتائیں جنرل مشرف کس قسم کا آدمی ہے؟ کتنی petty شخصیت ہے اسکی۔ یعنی چیف جسٹس نے اگر کرپشن کرنی ہے تو وہ 20 ہزار روپے کی کرپشن کرے گا۔ وہ تو ایک ایک کیس سے چار چار کروڑ کما سکتے تھے۔

اعتزاز صاحب نے کہا کہ یہ سب وہ ثبوت تھے جو سپریم کورث کے 15 رکنی فل کورٹ کے سامنے پیش کئے جا چکے تھے اور قطعا رد کئے جا چکے تھے۔ اور جنرل مشرف ان گھٹیا اور گھڑے ہوئے ثبوتوں کو جیبوں میں لئے گھوم رہے ہیں اور سوئٹزر لینڈ میں اعتزاز احسن صاحب کی بیٹی کو دکھا کر اس کو ڈانٹ رہے ہیں۔

ہمارے خیال میں جنرل مشرف تمام حدود و قیود، تمام اخلاقیات و آداب کو پاؤں تلے روند چکے ہیں۔ انہوں نے قوم کے اربوں روپے بے کار بیرونی دوروں، صدارتی محل کی تزئین و آرائش اور مجرمانہ حد تک غلط معاشی پالیسیوں میں برباد کر دئیے ہیں۔ اور وہ عزت مآب چیف جسٹس کو 20 ہزار روپے کی (وہ بھی من گھڑت) کرپشن کا مرتکب ٹھہرا رہے ہیں؟ انکی عقل پر ماتم کے سوا اور کیا کیا جا سکتا ہے۔ اب وہ کہہ رہے ہیں کہ عدلیہ بحال نہیں ہو سکتی کیونکہ آئین میں اسکی گنجائش نہیں ہے! واقعی 12 اکتوبر 99، اور 3 نومبر 2007 کے آ‏ئینی اقدامات کے بعد تو آئین میں عدلیہ کی بحالی کو کوئی گنجائش نظر نہیں آتی۔

پاکستانی عدلیہ کی بحالی کے حوالے سے امریکہ کا شرمناک کردار

2008-02-04T18:58:00.000Z

امریکی نائب وزیر خارجہ نے کہا ہے کہ:
ججوں کی بحالی پر صدر پرویز مشرف آئندہ اسمبلی توڑ سکتے ہیں۔ انہوں نے کہا کہ پاکستان میں آزاد عدلیہ کا حصول اتنا سادہ نہیں ہے۔ مکمل خبر درج ذیل ہے:

Assistant Secretary of State Richard Boucher told a congressional panel that while the United States views the sacking of judges in Pakistan as “not a good move,” it also believes that the issue of an independent judiciary in Pakistan can’t be solved that simply.
“To fix it, it needs to be done with the full political process, with the newly elected prime minister and other leaders, and they have to try to get together and figure out how to have a good and independent judiciary in Pakistan,” he said.
The explanation led to a debate between Mr Boucher and the lawmakers who argued that Washington’s position on this dispute was not based on sound logic and it may enhance anti-American feelings in Pakistan.
At this stage, Congressman Peter Welch, a Vermont Democrat, asked Mr Boucher if it’s true that President Musharraf retains the power to dissolve the parliament which will be elected on Feb 18.
“That’s been the case for a long time,” said the US diplomat who is also his department’s pointsman for South Asia.
“So … if the parliament takes an action to restore the judiciary, President Musharraf has the power to dissolve the legislature and negate that action,” Mr Welch asked.
“In theory, yes. I mean, as you all know, there’s sort of constitutional law and there’s politics,” said Mr Boucher.
This caused Congressman Welch to ponder loudly why the United States was supporting a system that invalidates the entire electoral process by giving an individual the power to dissolve a body elected by the people.
“If you look at the history of Pakistan, you’ve had prime ministers kicked out by presidents and by the army. Some of that’s in the constitution; some of it’s not,” said Mr Boucher.
“The fact is, we’re going to have a new political situation after the election. The parties are participating, and we hope they can get a fair representation.”
The congressman then asked Mr Boucher if he sees President Musharraf as indispensable as his boss, Deputy Secretary of State John Negroponte recently described the Pakistani leader.
“I do, sir,” said Mr Boucher. “I think he’s led the nation the way it’s gone.” He then said that Mr Musharraf has now taken a new role. Although he is still the president, he is no longer “the guy in charge. So he’s going to be one player along with a newly elected prime minister and a number of other government institutions”.

بشکریہ روزنامہ ڈان، مورخہ 3 فروری 2008

اس پوری گفتگو سے یہ بات سامنے آتی ہے کہ مشرف کے ایسے کسی بھی غلط قدم کی امریکہ 3 نومبر کی طرح صرف رسمی مذمت کرے گا۔ ہماری نظر میں اسطرح کے بیانات ایک بدقسمت قوم کو مزید اندھیروں میں دھکیلنے کی کوشش ہے۔ یہ بات بالکل عیاں ہے کہ پاکستان میں ایک آزاد اور خود مختار عدلیہ امریکہ کے بھی مفاد میں نہیں ہے۔ اٹالین ماہر سیاسیات میخاولی کے مطابق کسی حکومت کیلئےکسی بھی دوسرے ملک کو مضبوط ہونے دینا اپنے زوال کو دعوت دینے کے مترادف ہے۔ امریکی پالیسیوں سے معلوم ہوتا ہے کہ وہ اس نظریے پر پوری طرح عمل پیرا ہیں۔

ہم لوگوں کو یہ اچھی طرح سمجھ لینا چاہئیے کہ اپنی مدد آپ کے علاوہ پاکستانی قوم کے سامنے اور کوئی رستہ نہیں ہے۔

جیو کی بحالی، دعوے اور حقیقت

2008-01-20T12:08:00.000Z

جیو کل سے پاکستان میں کیبل پر بحال ہو رہا ہے۔ جنگ گروپ کے اخبارات میں یہ تاثر دیا جا رہا ہے کہ جیو نے تنہا آزادی صحافت کی جنگ لڑی ہے اور سرخرو ہو کر نکلا ہے۔ اس موقع پر ہمارے ذہن میں چند سوالات ہیں جو ہم اس حوالے سے قارئین کے سامنے رکھنا چاہیں گے۔ ہم سمجھتے ہیں کہ ان سوالات کا غیر مبہم جواب دیے بغیر جیو کے یہ دعوے بالکل بے بنیاد ہیں۔

1. کیا جیو نے پیمرا ترمیمی آرڈیننس مجریہ2007 پر دستخط کر دئیے ہیں؟ اگر کر دئیے ہیں تو ان دعووں سے پاکستانی مظلوم عوام کو بے وقوف بنانے کا آخر کیا مقصد ہے؟
2. جیو نے پابندی کے ان دو مہینوں میں عوام میں مقبول ترین پروگرام "میرے مطابق"کو کیوں بند کئے رکھا جس پر کہ حکومت کو اعتراض تھا؟ کیبل پر تو جیو بند تھا لیکن سیٹلائٹ اور ویب پر تو جیو پر کوئی پابندی نہیں تھی۔ اس کے باوجود اس پروگرام کو بند کر کے آخر جیو یہ دعوی کیسے کر سکتا ہے کہ وہ آزادئ صحافت کی جنگ کا سپاہی ہے؟
3. جن صحافیوں پر حکومت کو اعتراض تھا ان پر جیو کے دروازے تقریبا بند ہیں۔ ان میں ڈاکٹر شاہد مسعود، انصار عباسی، شامل ہیں۔ ان لوگوں کو منظرعام سے ہٹا کر آخر ہم اس بات پر کیسے یقین کریں کہ جیو نے حکومت سے یہ بحالی لڑ کر نہیں بلکہ مانگ کر اور گڑگڑا کر حاصل کی ہے؟
4. کیا جیو عوام کے سامنے اس بات کے ثبوت پیش کر سکتا ہے کہ ان گزشتہ دو مہینوں میں حکومت تو پیمرا آرڈیننس پر دستخط کے بعد جیو کو بحال کرنے پر تیار تھی لیکن جیو آزادئ صحافت کو یقینی بنائے بغیر حکومت کی یہ پیشکش قبول کرنے سے انکاری تھا؟

اگر جیو نے یہ بحالی واقعی لڑ کر حاصل کی ہے تو اوپر دئیے گئیے سوالات کے جوابات دینا اس کیلئے مشکل نہ ہو گا۔ دوسری صورت میں اسے صحافت، انسانی حقوق اور آئین کی بالادستی جیسے اعلی اصولوں سے کوئی نسبت نہیں ہے اور بہتر ہوگا کہ جیو اس کو کاروبار ہی سمجھے اور عوام کے سامنے اس قسم کے مضحکہ خیز دعوے کرنے سے اجتناب کرے۔

بے نظیر کی بے فائدہ موت

2007-12-28T20:26:00.000Z

ایک انسان کے بہیمانہ قتل پر افسوس اپنی جگہ لیکن ہر پہلو سے دیکھنے پر بے نظیر کی ناگہانی موت ہمیں ان کے اپنے ہاتھوں کی کمائی نظر آتی ہے۔ انہوں نے ایک آمر سے ڈیل کے ذریعے چور رستے سے اقتدار میں آنے کی کوشش کی۔ ان کی اپنی پارٹی کے ساتھیوں نے ان کو آگاہ کیا کہ پرویز مشرف ایک بہت ناقابل اعتبار شخص ہے۔ اپنی صدارت کی توسیع حاصل کرنے کے بعد اس سے کسی وعدہ کے وفا رکھنے کی امید رکھنا حماقت ہو گی۔ لیکن بے نظیر کو نہ جانے کیوں ہر قیمت پر اقتدار چاہئیے تھا۔

میثاق جمہوریت توڑنے سے لے کر، اے آر ڈی میں عدم شرکت، مشرف سے سالوں خفیہ مذاکرات، دبئی میں خفیہ ملاقات اور اس کا کھلا انکار، عدلیہ کی پشت میں چھرا گھونپنا، نام نہاد انتخابات کو قبول کرنا، غرض ایک فہرست ہے ان کے غلط اقدام کی جن کی قیمت انہیں اپنی جان دے کر ادا کرنا پڑی۔

ہمارے خیال میں بے نظیر کے ناحق خون سے پرویز مشرف ، پاکستانی فوج اور اسکی خفیہ ایجنسیوں نے ہاتھ رنگے ہیں۔ بے نظیر اور نواز شریف کا غیر اعلانیہ سمجھوتہ پرویز مشرف کی بے بنیاد اور سفاک آمریت کے انجام کی نوید تھا۔ ان الیکشنز میں جمہوری قوتوں کی کامیابی کی صورت میں پرویز مشرف کیلئے بے نظیر کے حوالے سے امریکہ کے ساتھ کئے گئے وعدوں کو پورا نہ کر کے جمہوریت کا راستہ روکنا ناممکن ہو جاتا۔ اسلئے اس نے طاقت کے ذریعے ہر مسئلہ حل کرنے کی اپنی روایت کو قائم رکھتے ہوئے بے نظیر کو اپنے راستے سے ہٹا دیا۔

بے نظیر اگر نواز شریف اور عمران خان کے ساتھ مل کر اپنا سارا وزن عدلیہ کی بحالی کی تحریک میں ڈالتیں تو نہ صرف عدلیہ بحال ہوتی، مشرف سے ملک کی جان چھٹتی بلکہ شاید وہ تیسری بار وزیراعظم بھی بن جاتیں۔ لیکن انہوں نے پاکستانی عوام اور پاکستانی عدلیہ پر بھروسہ کرنے کی بجائے مشرف اور امریکہ کے ساتھ ساز باز کرنے کو ترجیح دی جس کا خمیازہ انہیں بھگتنا پڑا۔

ہمارا پختہ یقین ہے بے نظیر کے قتل میں کوئی دہشت گرد گروہ ملوث نہیں ہے بلکہ یہ اسی گھناؤنے کھیل کا تسلسل ہے جو پاکستانی فوج کے جرنیل اس بدقسمت ملک پر اپنا تسلط برقرار رکھنے کیلئے کھیل رہے ہیں۔ پاکستان کی حدود میں تمام دہشت گرد اور جہادی گروہ پاکستانی خفیہ ایجنسیوں کی پیداوار ہیں، پاکستانی فوج اور یہ ایجنسیاں غریب پاکستانیوں کو لے کر مذہب کے نام پر ان کا برین واش کرتی ہیں اور پھر اپنے مذموم مقاصد جن میں خودکش حملے بھی شامل ہیں، میں استعمال کرتی ہیں۔

پاکستان کی بقا کا واحد رستہ خالص جمہوریت، عدلیہ کی آزادی، عوام کی تعلیم اور فوج کے بیرکوں میں محدود رہنے میں پوشیدہ ہے۔

جیل سے عمران خان کا پیغام

2007-11-21T07:31:00.000Z

میرے کارواں میں شامل کوئی تنگ نظر نہیں ہے
جو نہ مٹ سکے وطن پر میرا ہمسفر نہیں ہے
کسی سنگ دل کے در پر میرا سر نہ جھک سکے گا
میرا سر نہ رہے مجھے اس کا ڈر نہیں ہے

میانوالی (جنگ نیوز) پاکستان تحریک انصاف کے قائد اور سابق رکن قومی اسمبلی عمران خان نے کہا ہے کہ جنرل پرویز مشرف کے اقتدار کا سورج اب غروب ہونے والا ہے، اس کے امریکی سرپرستوں نے بھی دھتکار دیا ہے۔ ڈسٹرکٹ جیل ڈی جی خان جیل میں پابند سلاسل عمران خان نے اپنے میانوالی کے حلقہ این اے 71 کے عوام کے نام ایک تحریری پیغام میں کہا ہے کہ وطن عزیز کی جمہوریت پسند غیور عوام کی جدوجہد انشاء اللہ کامیابی سے ضرور ہمکنار ہوگی ،پاکستان تحریک انصاف کے عہدیداران، ورکرز اور عوام اپنے حوصلے بلند رکھیں اور جبر اور آمریت کی بیعت سے انکار کرکے حسینیت کا پرچم بلند رکھیں اور اس امر پر یقین رکھیں کہ فتح ہمیشہ حق و صداقت کی ہوا کرتی ہے۔ تفصیلات کے مطابق عمران خان نے اپنے پیغام کا اختتام ان شعروں پر کیا! میرے کارواں میں شامل کوئی تنگ نظر نہیں ہے ، جو نہ مٹ سکے وطن پر میرا ہمسفر نہیں ہے! کسی سنگ دل کے در پر میرا سر نہ جھک سکے گا، میرا سر نہ رہے مجھے اس کا ڈر نہیں ہے۔جسٹس افتخار محمد چوہدری اور ان کے ساتھ تمام ججز صاحبان پاکستانی قوم کا افتخار ہیں۔ انہوں نے اس عزم کا اعادہ کیا کہ ان کی جدوجہد آئین و قانون کی بحالی اور افتخار چوہدری سمیت پی سی او کے تحت حلف اٹھانے سے انکار کرنے والے تمام ججز صاحبان کی بحالی تک جاری رہے گی۔ ملک کے اندر ڈکٹیٹر شپ اور آمریت کے مکمل خاتمہ اور جمہوریت، عدلیہ، آئین کی مکمل بحالی اور میڈیا کی آزادی تک میں ڈی جی خان جیل میں بھوک ہڑتال جاری رکھوں گا اس سے میری موت بھی واقع ہو جائے تو میرے لئے ایک اعزاز ہوگا۔

بشکریہ روزنامہ جنگ

سعودی آمریت کی ناعاقبت اندیشی

2007-09-04T19:21:00.000Z

معلوم ہوتا ہے کہ سعودی عرب کی حکومت بھی امریکی دباؤ میں اپنی آبرو نیلام کرنے پر تلی ہوئی ہے۔ ملاحظہ فرمائیے جنگ کی خبر:

Updated at 23:55 PST
جدہ ..........جنگ نیوز........... جدہ میں سعودی عرب کے حکومتی ترجمان نے کہا ہے کہ نواز شریف کی پاکستان جانے کی حمایت پر مبنی خبروں میں صداقت نہیں ہے۔سعودی عرب کی خواہش ہے کہ نواز شریف اور ان کا خاندان اپنے وعدے پر عمل کرتے ہو ئے پاکستان واپس نہ جائیں اور نہ ہی سیاست میں حصہ لیں ۔ ترجمان کا کہنا تھا کہ نواز شریف کی پاکستان واپسی سے متعلق سعودی عرب کی حمایت کے حوالے سے پاکستانی ذرائع ابلاغ کی اطلاعات میں صداقت نہیں ہے۔ترجمان نے کہا کہ نواز شریف کو سعودی عرب آنے کی اجازت کے حوالے سے کہاہے کہ انہیں سعودی عرب آنے کی اجازت انسانی ہمدردی کے تحت دی گئی تھی۔

فراعین وقت کے سامنے عدلیہ کی بے بسی

2007-09-03T07:04:00.000Z

آج کے جنگ میں یہ خبر پڑھنے کے بعد یوں لگتا ہے کہ ہم ایک آزاد عدلیہ کے لائق ہی نہیں ہیں:

Updated at 11:50 PST
اسلام آباد….... سپریم کورٹ نے ونی سوارہ کیس میں پیپلزپارٹی کے رہنما میرہزار بجارانی کی درخواست ضمانت مسترد کردی ہے ، جس کے بعد ڈی پی او کشمور اور پولیس عملے کی موجودگی کے باوجود میر ہزار بجارانی عدالت سے نکل کر آرام سے اپنے گھر چلے گئے ۔چیف جسٹس آف پاکستان جناب جسٹس افتخار محمد چوہدری کی سربراہی میں سپریم کورٹ کے سات رکنی لارجر بینچ نے پانچ بچیوں کی زبردستی شادی کرانے کے کیس میں پیپلز پارٹی کے سابق وفاقی وزیر اور موجودہ ایم این اے میر ہزار خان بجارانی کی گرفتاری کے احکامات جاری کررکھے تھے ۔ میر ہزارخان بجارانی آج اپنے وکیل سردار لطیف کھوسہ کے ہمراہ عدالت میں پیش ہوئے اور ضمانت کی درخواست دی، جس پر فاضل عدالت نے کہا کہ بچیوں کے ساتھ جو کچھ ہوا وہ غیرقانونی ہے اور خصوصاً کسی وفاقی وزیر کو اختیار نہیں کہ وہ ماورائے قانون کوئی معاہدہ کرائے۔اس حوالے سے چیف جسٹس آف پاکستان نے یہ بھی کہا کہ اگر بااثر شخصیات کو ضمانتوں کی رعایت دی گئی تو مظلوموں کی دادرسی کون کریگا، اس سے غلط روایت پڑے گی۔اس پرمیر ہزار خان بجارانی کے وکیل نے کہا کہ انہوں نے لاہور ہائیکورٹ میں ضمانت کی درخواست دائر کی تھی لیکن ہائیکورٹ نے یہ کہہ کر درخواست نہیں لی کہ سپریم کورٹ نے منع کررکھا ہے ۔سپریم کورٹ نے کہا کہ وہ ضمانت کیلئے متعلقہ عدالت سندھ ہائیکورٹ سے رجوع کریں اور درخواست ضمانت مسترد کردی۔میرہزار خان بجارانی جب عدالت سے باہر نکلے تو ڈی پی اور کشمورجن کو گرفتاری کیلئے احکامات دیے گئے تھے ،انہوں نے میر ہزار خان بجارانی سے ہاتھ ملایا اور گھٹنے چھوئے، جس کے بعد بجارانی پولیس کی موجودگی کے باوجود اپنی گاڑی میں بیٹھ کر وہاں سے چلے گئے۔

شرم تم کو مگر نہیں آتی

2007-08-28T21:45:00.000Z

معاف کیجئے گا اپنی ذات سے آگے میں کچھ نہیں دیکھ سکتی۔ جب آپ مجھے وزیراعظم بنا دیں گے تو پھر میں خوشی سے پاکستان آ جاؤں گی۔

بشکریہ روزنامہ جنگ

مشرف حکومت کے مظالم کی فہرست

2007-05-17T13:20:00.000Z

اردو محفل کی ایک پوسٹ پر یہ تجویز پیش کی گئی ہے کہ مشرف حکومت کے ظلم اور جبر پر مبنی کارناموں کی ایک فہرست تیار کی جائے۔ ہم اپنے بلاگ کو اس مقصد کیلئے پیش کرتے ہیں اور آپ لوگوں سے درخواست کرتے ہیں کہ اس کام میں ہمارا ہاتھ بٹائیں۔ پہلے قدم کے طور پر ہم اردو محفل کی مذکورہ پوسٹ میں پیش کئے گئے مظالم کو یہاں درج کرتے ہیں۔ ہم اس میں ڈاکٹر عبدالقدیر کا معاملہ بھی شامل کرنا چاہیں گے۔ جیسے جیسے آپ حضرات ہمیں یہ معلومات مہیا کریں گے ویسے ویسے ہم اس فہرست کو اپ ڈیٹ کرتے رہیں گے۔ ہمارے خیال میں چونکہ ان تمام مظالم کی بنیاد جنرل پرویز مشرف کا اقتدار پر غاصبانہ قبضہ ہے، اسلئے اس جرم کو ہم سب سے پہلے لکھتے ہیں۔

جنرل پرویز مشرف و دیگر ملزمان کے خلاف فرد جرم

1. پاکستان کے اقتدار پر غاصبانہ قبضہ
2. مختار بی بی کی عصمت دری کی پردہ پوشی
3. ڈاکٹر شازیہ خالد کی عصمت دری کے فوجی مجرم کو تحفظ
4. اکبر خان بگتی کا وحشیانہ قتل
5. سینکڑوں پاکستانیوں کو خفیہ ایجنسیوں کے ذریعے حبس بے جا میں رکھنا
6. اوکاڑہ فارم کے مزارعین کا فوج کے ہاتھوں استحصال
7. وانا اور باجوڑ میں پاکستانیوں کا قتل عام
8. پاکستانی فوج کے چند کرپٹ افسروں کو بچانے کیلئے محسن پاکستان ڈاکٹر عبدالقدیر خان کی بے حرمتی، حراست اور ذہنی تشدد
9. منافع بخش سرکاری اداروں کی غیرملکیوں کے ہاتھوں میں فروخت
10. پاکستانیوں اور مسلمانوں کو امریکہ کے ہاتھوں بیچ کر ذاتی اکاؤنٹوں میں رقوم کا حصول
11. کشمیر کے زلزلے کی مد میں دی گئی امداد کی غیر شفاف تقسیم
12. مختلف شہروں میں ڈیفینس ہاؤسنگ سوسائیٹیاں بنا کرکرپٹ فوجی افسروں پر نوازشات
13. ۲۸۵ حاضر اور ریٹائرڈ فوجیوں کو سول محکموں کی سربراہی سے نوازنا
14. قرض نادہندگان اور جرا‏ئم پیشہ افراد کو سیاسی عہدوں کی رشوت
15. چیف جسٹس پاکستان افتخار چوہدری کے خلاف غیر آئینی ریفرنس اور ریاستی طاقت کا غیر قانونی اور جابرانہ استعمال
16. سپریم کورٹ کے ایڈیشنل رجسٹرار حماد رضا کا قتل
17۔ 12 مئی کو ایم کیو ایم کی مدد سے کراچی میں بے گناہ افراد کے خون کی ہولی
18۔ جامعہ حفصہ میں سینکڑوں بے گناہ طلبا و طالبات کو زندہ جلا دینا۔
19۔ قبائلی علاقہ میں بے گناہ قبائلیوں کا فضائی حملوں میں قتل عام
20۔ پاک فوج کے اپنے ہی پاکستانی شہریوں پر ظلم و ستم کے ذریعے فوج کی عام عوام کی نظروں میں رسوائی اور بے قدری۔

(آخری اپ ڈیٹ بتاریخ 4 ستمبر 2007)

الطاف حسین کی اصلیت مزید بے نقاب

2007-05-16T05:32:00.000Z

محترم الطاف حسین نے آج فرمایا ہے:

بشکریہ روزنامہ ایکسپریس

جمہوریت کے ان علمبرداروں کی اصلیت اچھی طرح پہچان لیجئیے اور ہمیشہ یاد رکھئیے۔

پاک ڈیف فورم کی تحاریر میں سے ایک اقتباس

2007-05-06T18:46:00.000Z

پاکستان کی مسلح افواج سے متعلقہ ایک غیر سرکاری ویب سائٹ، پاکڈیف فورم، کے ایک سینئیر ممبر کی سوچ:

Farooq Join Date: Nov 2001 Posts: 213

Re: Misc. Political News & Views - II
Maybe if the mullah brigade got in power what would these donkey lawyers do then. Who would care a hoot about them, especially if they all got replaced by Qazi's. The judiciary is just as corrupt as the politicians. Musharraf is showing great restraint, if it was me I would give the police a free hand and do a lathi charge and knock some sense into them.

All this nonsense for once conceited ass of a CJ.

I see the hands of the ppp behind all of this mobilisation, so that BB can get a better DEAL from Musharraf. Once she gets the deal, you will see how all this nonsense dies down as quickly as it started.

ترجمہ: اگر ملا حکومت میں آگئے تو یہ گدھے وکیل کیا کریں گے۔ اگر ملاؤں نے ان کی جگہ قاضی لگا دئیے تو ان کی پروا کس کو ہو گی۔ سیاستدانوں کی طرح عدلیہ بھی بالکل کرپٹ ہے۔ مشرف تو بہت برداشت سے کام لے رہے ہیں۔ اگر میں ان کی جگہ ہوتا تو پولیس کو کھلی چھوٹ دے دیتا اور لاٹھی چارج کے ذریعے ان کی عقل ٹھکانے لگا دیتا۔
ایک گھٹیا خودغرض چیف جسٹس کیلئے اتنی بکواس!
اس ساری عوامی تحریک کے پیچھے مجھے تو پی پی پی کا ہاتھ نظر آتا ہے تاکہ بی بی مشرف سے بہتر ڈیل کر سکے۔ جب اسکی حکومت سے ڈیل ہو جائے گی تو تم سب دیکھنا کہ یہ بکواس جیسے شروع ہوئی ہے اتنی جلدی ہی ختم ہو جائے گی۔

اسی دھاگے میں تقریبا تمام دوسرے لکھنے والوں کے عوام اور جمہوریت مخالف خیالات بھی ضرور پڑھئیے۔ ان سب لوگوں کے مراسلات سے آپ کو ان کی ذہنی سطح بخوبی سمجھ آ جائے گی جس میں عوام اور قانون کی بالادستی، جمہوریت، انصاف، اور برابری جیسی اقدار کی جگہ شخصی حکمرانی، مارشلائی ذہنیت، برتری اور عام عوام کیلئے تحقیر جیسے خیالات کا غلبہ ہے۔ یہ ہیں عام سپاہی کو اردلی اور بیٹ مین بنا کر ذاتی خدمات لینے والے سورما۔ پاکستانی فوج کے ان نوآبادیاتی نظام میں ڈھلے ہوئے دماغوں کو اچھی طرح پہچان لیجئیے۔

ہمیں سمجھ آ جانی چاہئیے کہ عزت ماب چیف جسٹس صاحب کا موقف کیا ہے اور مشرف صاحب اور ان کے قبیلے کو اس پر کیوں اعتراض ہے۔

شرم تم کو مگر نہیں آتی!

2006-10-31T08:28:00.000Z

پاکستانی حدود میں واقع مدرسہ ضیاءالعلوم پر امریکی بمباری کے نتیجے میں 83 معصوم افراد شہید کر دئیے گئے۔ پاکستانی حکام کے مطابق یہ کاروائی پاکستانی فوج نے خود کی۔ جبکہ امریکی ٹی وی ABC کے مطابق یہ کاروائی امریکی فوج نے کی اور یہ کہ پاکستانی فوج نے انہیں بتایا ہے کہ یہ کاروائی امریکہ نے کی ہے۔

ABC News has learned the raid was launched after U.S. intelligence received tips and examined Predator reconnaissance indicating that al Qaeda's No. 2 man may have been staying at the school, which is located in the Bajaur region near the village that is thought to be al Qaeda's winter headquarters.

Despite earlier reports that the missiles had been launched by Pakistani military helicopters, Pakistani intelligence sources now tell ABC News that the missiles were fired from a U.S. Predator drone plane.

پاکستانی فوج کے ترجمان شوکت سلطان سے جب پوچھا گیا کہ کیہ یہ کاروائی امریکہ نے کی ہے تو انہوں نے اس کا واضح انکار کرنے سے گریز کیا۔ اور یہ راگ الاپتے رہے کہ تمام resources ہمارے کنٹرول میں تھے وغیرہ وغیرہ۔ (بشکریہ نوائے وقت 31 اکتوبر)
یہ بات اب اظہر من الشمس ہے کہ یہ کاروائی امریکی فوج نے بغیر پائلٹ والے طیاروں کی مدد سے کی اور بعد میں پاکستان نے اپنے گن شپ ہیلی کاپٹر بھیج کر یہ تاثر دینے کی کوشش کی کہ ان معصوموں کا قتل عام افواج پاکستان کا کارنامہ ہے۔
پاکستان پر قابض یہ بزدل اور ایمان فروش پاکستان کا دفاع کرنے کے دعوے کرنے سے بھی نہیں شرماتے۔

آغاز

2006-10-25T20:26:00.000Z

اس بلاگ کے ذریعے پاکستانی عوام کو خواب خرگوش سے جگایا جائے گا اور پاکستان کے حکمران طبقے کو آئینہ دکھانے کی کوشش کی جائے گی۔